జ్ఞానోదయం

హే దీన దయాళువు,కరుణా సింధు
భక్త జన సంరక్షకా , సర్వేశ్వరా
మాపై నీ కరుణామృత చూపులను ప్రసరించు
త్రిమూర్తులను సైతం భ్రాంతిలో పడవేయగల
శక్తివంతమైన మాయలో పరిభ్రమిస్తున్నాము
ప్రేమ, కరుణ, అనురాగం, అప్యాయత వంటి
సద్గుణములను త్యజించి
మాయా, మోహిత అరిష్వడ్వర్గములకు లోబడిపోయి
భ్రాంతి పూరిత జీవనం గడుపుతున్నాము
అందుకే మా జీవితమంతా కష్టాలు, కన్నీళ్ళే
అనుక్షణం చింతనలు,ఆందోళనలు
మరుక్షణంలో ఏం జరుగునో అన్న భయంతో
సత్యానికి దూరంగా జీవిస్తున్నాము
శాశ్వతమైన పరమ శాంతికి దూరమై
అశాంతి , అసంతృప్తులతో మా
హృదయాలను నింపుకున్నాము
ఈ జీవన విధానం అసత్యమని, జీవించతగనిదని
నీ కృప వలన మాకు జ్ఞాదోయమయ్యింది
మా పాలిట దయతో, కరుణతో, మమ్మల్ని ఆశీర్వదించి
అసత్యం నుండి సత్యం వైపుకు
చీకటి నుండి వెలుగు లోనికి మమ్మల్ని నడిపించు
పగ, ద్వేషం, అహంకార రహిత జీవనాన్ని ప్రసాదించు