తన కోసమే జీవించువాడు స్వార్ధపరుడు
పరుల కోసం సర్వం త్యాగం చేసి
వారి శ్రేయస్సే తన జీవిత లక్ష్యంగా భావించి
తదనుగుణంగా కృషి సల్పువాడు నిస్వార్ధపరుడు
స్వార్ధపరుని జీవితం గడ్డి మొక్కతో సమానం
ఎందుకూ , ఎవరికీ ఉపయుక్తం కానిది
తన కంటూ ఒక ఉనికిని సాధించుకోనిది
నిస్వార్ధపరుల జీవితం నిండుగా ఫలములను
ధరించు వృక్షము వంటిది
ఎన్ని రాళ్ళ దెబ్బలు తగిలిననూ ఓరిమితో
సహనముతో భరించి, ప్రతిఫలాపేక్ష లేక
నిత్యం రుచికరమైన ఫలములను, ఆశ్రయమును ఇస్తూ
తన కంటూ ఒక ప్రత్యేకతను సంతరించుకొనును
నిస్వార్ధ తత్వమే ఊపిరిగా
పరుల శ్రేయస్సే ధ్యేయంగా
జీవించువారి జీవితం కడు ధన్యం
ఆ సర్వేశ్వరునికి అత్యంత ప్రీతి పాత్రకరం
No comments:
Post a Comment