వర్తమానం లో జీవనం

జరిగిన సంఘటనలను గూర్చి చింతిస్తూ
జరుగబోయే వాటి గురించి ఆందోళన చెందుతూ
వర్తమానాన్ని వృధా చేసుకొను వారు అవివేకులు
వర్తమానం బహు అమూల్యం
భూత కాలం చెల్లని నోటు వంటిది
భవిష్యత్తుకు వర్తమానం లో విలువ లేదు
గతం లో చేసిన పొరపాట్లను విశ్లేషించుకొని
తద్వారా విలువైన పాఠాలను నేర్చుకొని
భవిష్యత్తులో సాధించబోయే కార్యములకు
ప్రణాళికలు వేసుకొని, నిర్ధుష్టమైన
లక్ష్యాల నేర్పాటు చేసుకొని
వర్తమానం లో శ్రమించడమే విజయ సూత్రం
నిన్న లేదు , రేపు రాదు మనకు మిగిలినది నేడు మాత్రమే
అన్న సూక్తి బహు అమూల్యమైనది
సంతోషం, సౌందర్యం, ఆనందం అనుభవించుటకు
వర్తమానం లో జాగృదావస్థలో జీవించడం అత్యావశ్యకం
ఎడ తెగని వల్లమాలిన ఆలోచనలు
మానవులకు వర్తమానం లో జాగృదావస్థలో
జీవనానికి అవరోధాలు
ధ్యానం, యోగం ల ద్వారా మనసును
నియంత్రించుకోవడం వర్తమానం లో
జీవించుటకు కృషి సల్పడం మన తక్షణ కర్తవ్యం