కలియుగ దైవం శ్రీసాయినాధులు

ఆద్భుతమైన, అపురూపమైన అసామన్య
గురుదేవులు, కలియుగ దైవం శ్రీసాయినాధులు
పిలిచినంతనే ఓయని పలికి
భక్త జనావళికీ ఆపన్న హస్తం అందించే సద్గురువు
నీటితో దీపాలు వెలిగించి భక్తజన హృదయాలలో
అజ్ఞానపు చీకట్లను దూరం చేసిన జ్ఞానస్వరూపి
దుష్ట శిక్షణకు, శిష్ట రక్షణకు
ధర్మ సంస్థాపన కొరకు మనపై కరుణతో
ఈ భువిపై అవతరించి లక్షలాది మందిని
సన్మార్గులను చేసిన అపురూపదైవం మన సాయి
తన పాదాల వద్ద తమ భారములను పడవేసిన
వారిభారమంతటినీ వహించి వారికి
అనుపమలభ్యం కాని శాశ్వత ఆనందమును
ప్రసాదించే ఆశ్రిత కల్పవృక్షం శ్రీ సాయి
సాయి నామమును ఉచ్చరించువారికి
సాయి పాదాలను శరణు వేడిన వారికి
అన్ని సమస్యలు, చింతనలు కడు దూరం