చర్విత చరణం

అధికారమనే కుర్చీలో కూర్చున్నంత వరకూ
గర్వాహంకారములతో, పదవి అనే దండాన్ని తిప్పుతూ
లక్షలకు లక్షలు అక్రమార్జన
ఎందరో అమాయకులను హింసించుట
మరెందరో జీవితాలను నరకప్రాయం
చేసిన అధికార దాహం , సాడిస్టు ప్రవర్తన
మానవీయ కోణాన్ని మరచిన ప్రవర్తన
అశాశ్వతమైన సిరి సంపదల వెనుక పరుగులు
ఈ రోజు పదవి పోయింది , సంపద దాయాదుల వశం
వృద్ధాప్యం ముంచుకొచ్చేసింది
యవ్వనంలో నిర్లక్ష్యం చేసినందున
బంధు మిత్ర వర్గమంతా దూరం దూరం
చిత్ర విచిత్రమైన వ్యాధుల బారిన పడిన శరీరం
క్షణ క్షణానికీ క్షీణిస్తోంది
గుక్కెడు నీళ్ళు పోసే నాధుడే లేడు
అనుభవించాల్సిన పాపాల చిట్టా ఇంకే మిగిలి వుంది